ASEMBLEA XERAL ORDINARIA 2010 DO CEESG

---

O pasado día 26 de marzo tivo lugar en Santiago de Compostela a Asemblea Xeral Ordinaria do Ceesg, á que foron convocadas todas as persoas colexiadas da entidade.
A Asemblea ou Xunta Xeral é o órgano supremo de goberno do colexio e soberano na toma de decisións, e está integrada por todas as colexiadas e colexiados. Debe reunirse polo menos unha vez ao ano para aprobar os documentos de traballo da entidade.

Neste encontro aprobouse a acta da asemblea anterior, as memorias técnicas e económicas do 2009 e os plans de traballo e presuposto para o presente ano. Ademais, aprobouse unha flexibilización do prazo de xustificación de situación bonificada para o cobramento semestral da cota colexial, e explicáronse as implicacións da Lei Ómnibus para o colexio e para a profesión.

As persoas asistentes foron moi participativas, e as súas intervencións enriqueceron un ameno debate.

Documentación da Asemblea:

• Convocatoria
  
• Acta da Asemblea anterior
  
• Memoria técnica 2009
  
• Memoria económica 2009
  
• Plans de traballo 2010
  
• Orzamento 2010
  

Outra documentación:

• Explicación das memorias 2009 e do plan de traballo 2010
  
• Acordos da Asemblea Xeral Ordinaria 2010

Documentación que se acordou publicar:

• Resposta do CGCEES ao movemento en contra das habilitacións profesionais
  
• Cuestionario remitido ao Ministerio de Facenda sobre reserva de actividade e obrigatoriedade de colexiación
  
• Achegas do CGCEES ao borrador do Pacto Social e Político pola Educación
  

Acta desta Asemblea Xeral Ordinaria 2010 (pendente de aprobación na seguinte asemblea)

Aproveitando este encontro, fíxose a primeira presentación oficial da que será a nova páxina web do Ceesg, co relatorio "Cara a unha web 2.0 para a Educación Social". Nesta presentación deuse a coñecer a nova imaxe da web, e explicáronse as súas funcionalidades e o seu funcionamento. Aínda que polo momento non está operativa na súa totalidade, esperamos que pronto poida publicarse e estar así ao servizo do colexio e as súas colexiadas e colexiados.