ASESORAMENTO PARA O AUTOEMPREGO

---

No Colexio de Educadoras e Educadores Sociais de Galicia, co propósito de apoiar as iniciativas empresariais e de fomentar o emprego por conta propia como saída laboral, está dispoñible un sistema de asesoramento laboral en materia de autoemprego para colexiados/as.

Firmouse un convenio coas entidades Xeneme Intervención Social, s.l.l. e CIMO, que serán as que exercerán como asesoras. Deste xeito, os/as colexiados/as que estean interesados en recibir asesoramento para a posta en marcha do seu proxecto empresarial, que sexan residentes nas provincias de A Coruña e Lugo serán atendidos por Xeneme, mentres que os das provincias de Pontevedra e Ourense serano por CIMO. Ambas organizacións contan con experiencia en asesoramento relacionado con proxectos empresariais.

Para acceder ao servizo de asesoramento ou informarte mellor acerca do mesmo, contactar co CEESG.